Hvat er ARTHARMONIA?

ARTHARMONIA er serlæknaklinikk í kirururgi og plastikkirurgi. Her verða framdar smærri og størri skurðviðgerðir, alt eftir tørvinum hjá tí einstaka sjúklinginum.

Sjúklingar verða ávístir til kanning og viðgerð av kommunulæknunum og virksemið er samskipað undir Heilsutrygd. Eisini kann sjúklingurin venda sær beinleiðis til okkara viðvíkjandi skurðviðgerð, men í slíkum førum má sjúklingurin sjálvur gjalda fyri viðgerðina.

Serliga verða framdar størri og smærri skurðviðgerðir á húð og feittvevnað á ymiskum pørtum á kroppinum. Ofta snýr tað seg um trupulleikar, ið plága ein. Sum dømi kunnu nevnast skemmandi húðarfaldur, arr eftir skaða, viðfødd brek, húðsvullir, húðkrabbi og líknandi.

Fyrst og fremst er týdningarmikið, at serlækni kannar og samtalar við sjúklingin um, hvørjir møguleikar eru fyri viðgerð, soleiðis at sjúklingurin verður hjálptur og nøgdur.