ARTHARMONIA
SERLÆKNAVIRKI

ARTHARMONIA er serlæknavirki í plastikskurðfrøði í Føroyum. Endamálið við heimasíðuni er at upplýsa um, hvussu farast skal fram, um ein ynskir eina plastiska skurðviðgerð.

Her ber til at finna upplýsingar um fyrimunir, framferðarhættir, váðar og trupulleikar, ið kunnu standast av plastiskum skurðviðgerðum.

Eisini er ætlanin, at sjúklingurin her skal fáa hjálp til at taka støðu, tá ið hann skal meta um, um hann hevur tørv á plastiskari skurðviðgerð.

HVÍ YNSKJA FÓLK
PLASTISKA SKURÐVIÐGERÐ

Orsakirnar til at einstaklingur tekur avgerð um at fáa eina lýtis- og/ella eina fríðkanarskurðviðgerð kunnu vera nógvar, alt frá onkrum smávegis, ið ampar útsjóndina, til størri lýti, ið skemma útsjóndina rættiliga nógv. Hvaðan lýtið stavar kann eisini vera ymist, alt frá viðføddum breki til avleiðingar av óhappi ella sjúku.

Tað, sum er felags, er, at lýtið býður einum ímóti og hevur ávirkan á sjálvsálit og sjálvsmynd. [les meira]